st1:*{behavior:url(#ieooui) }
Milli Məclisin deputatları Azər Kərimli, Rövşən Rzayev, Çingiz Əsədullayev, Fuad Muradov və Qüdrət Həsənquliyevin İtaliyaya səfəri davam edir.
Yanvarın 27-də deputatlarımız İtaliya parlamentinin xarici siyasət komtəsinin sədri ilə görüşüblər. Bu barədə Modern.az saytına deputat Fuad Muradov məlumat verib. Onun sözlərinə görə, komitə rəhbəri Azərbaycan barədə, xüsusilə də Qarabağ problemindən məlumatlı adamdır: “Söhbət zamanı komitə rəhbəri Qarabağ məsələsində Azərbaycanın haqlı mövqedə olduğunu vurğuladı. Sabah görüşləri davam etdirəcəyik. İtaliyanın ATƏT-dəki nümayəndəsi ilə görüşəcəyik. Hər halda hesab edirəm ki, İtaliyaya səfərimiz qarşılıqlı əlaqələrin gücləndirilməsində böyük rol oynayacaq”.