Ermənistanın eks-prezidenti Robert Koçaryanın məhkəməsi davam edir.
Modern.az Ermənistan KİV-nə istinadən xəbər verir ki, bu gün keçirilən prosesdə eks-prezidentin müdafiəsi prokuror Qeqam Baqdasaryanın ittihamçı səalhiyyətlərinin ləğv olunmasını tələb ediblər.
Onlar prokurorun Şuşa şəhəri ilə bağlı bundan əvvəlki çıxışlarına diqqət çəkiblər.
“Şuşa ilə bağlı vəziyyətin məhkəməyə heç bir adiyyatı yoxdur. Mən heç zaman Şuşanı verənləri müdafiə etməmişəm”- deyə prokuror deyib.
Buna cavab olaraq, eks-prezident “sən şəhəri verənlərdən birisən”-deyə yüksəsk səslə çıxıb. Baqdasaryan isə Koçaryana müraciət edərək “necə yəni satmışam”- cavabını verib.
Hakim tərəfləri sakitliyə çağırıb.
