Modern.az

Azərbaycanda Prezident təqaüdü alanların SAYI

Azərbaycanda Prezident təqaüdü alanların SAYI

İqtisadiyyat

21 Yanvar 2021, 10:50

2021-ci ilin əvvəlinə ölkədə pensiyaçıların sayı 1232,2 min nəfər olmaqla ölkə əhalisinin 12,3 faizini təşkil edib.

 

Dövlət Statistika Komitəsindən (DSK) Modern.az-a verilən məlumata görə, həmin dövrə 412 min nəfər sosial müavinət, 289 min nəfər isə Azərbaycan Respublikası Prezidentinin təqaüdünü alıb. 2020-ci il ərzində birdəfəlik müavinət alanların sayı 91 min nəfər olub.

 

2021-ci il yanvar ayının 1-dən Azərbaycan Respublikası Prezidentinin təqaüdlərinin aylıq məbləğləri artırılaraq Azərbaycanın Milli Qəhrəmanı adı verilmiş şəxslər üçün 1800 (artımadək 1500) manat, şəhid, Əfqanıstanda sovet qoşunlarının tərkibində beynəlmiləl borcunu yerinə yetirərkən həlak olan, itkin düşmüş və məhkəmə qaydasında ölmüş elan edilən hərbi qulluqçuların ailələri üçün 500 (300) manat, müharibə və ya 1990-cı ilin 20 Yanvar hadisələri ilə əlaqədar I dərəcə əlilliyi olan şəxslərə 400 (250) manat, II dərəcə əlilliyi olan şəxslərə 350 (230) manat, III dərəcə əlilliyi olan şəxslərə 300 (210) manat, 1941–1945-ci illər Böyük Vətən müharibəsi iştirakçılarına, İkinci Dünya müharibəsi dövründə Leninqrad şəhərinin mühasirəsi zamanı şəhərin müəssisələrində, idarə və təşkilatlarında işləmiş və “Leninqradın müdafiəsinə görə” medalı, “Leninqrad mühasirəsində yaşayan” döş nişanı ilə təltif edilmiş şəxslər üçün 300 (150) manat, ümumi səbəblərdən l dərəcə əlilliyi olan şəxslər üçün isə (gözdən əilliyi olan şəxslər istisna olmaqla) 130 (100) manat müəyyən edilib.

 

“Vətən Müharibəsi Qəhrəmanı” adı verilmiş şəxslərə və ümumi səbəblərdən I dərəcə gözdən əlilliyi olan şəxslərə Azərbaycan Respublikası Prezidentinin təqaüdləri təsis edilib.
2021-ci yanvarın 1-dən onların aylıq məbləğləri uyğun olaraq 2000 və 210 manat müəyyən olunub.


Eyni zamanda, Azərbaycan Respublikası Prezidentinin həmin tarixli digər Fərmanına əsasən, əmək kitabçasında müvafiq qeydiyyat aparılan əsas iş yeri üzrə elmi müəssisə və təşkilatlarda və ya təhsil müəssisələrində azı 25 il çalışmış, elmi dərəcəsi olan, işləməyən, əmək pensiyası hüququ olan şəxslərə Azərbaycan Respublikası Prezidentinin təqaüdü təsis edilmiş və 2021-ci yanvarın 1-dən onun aylıq məbləği elmlər doktoru elmi dərəcəsinə görə 200 manat, fəlsəfə doktoru elmi dərəcəsinə görə isə 120 manat müəyyən olunub.


Bundan əlavə, “Sosial müavinətlər haqqında” Azərbaycan Respublikasının Qanununda dəyişiklik edilməsi barədə” 2020-ci il tarixli 6 oktyabr tarixli 181-VIQD nömrəli Azərbaycan Respublikasının Qanunu ilə 2021-ci il yanvarın 1-dən aylıq məbləği övladlığa götürülən uşağa görə 160 manat, sağlamlıq imkanları məhdud 18 yaşınadək uşağa görə isə 480 manat olmaqla övladlığa götürülən uşağa, o cümlədən sağlamlıq imkanları məhdud 18 yaşınadək uşağa görə sosial müavinət müəyyənləşib.


İlkin məlumatlara əsasən 2021-ci ilin əvvəlinə 77,3 min aztəminatlı ailənin 324,0 min üzvü ünvanlı dövlət sosial yardımı alıb və onun bir nəfərə düşən orta aylıq məbləği 57,1 manat təşkil edib.

Youtube
Kanalımıza abunə olmağı unutmayın!
Keçid et
Ukraynadan hər kəsi şok edən xəbər: Azərbaycanlı jurnalist vəfat etdi