“Ermənistanın bandit rejimi bütün dünya üçün həyasız çağırışdır”. Modern.az erməni mətbuatına istinadən xəbər verir ki, bu barədə Erməni Milli Konqresinin (EMK) yaydığı bəyanatda bildirilir. EMK həbsdən azad olunmuş siyasi dustaq Mkrtıç Sapeyanın saxta ittihamlar əsasında, törətmədiyi cinayətə görə cəza çəkdiyini bildirib. EMK “Araqast” kafesində 100 nəfərin gözü qarşısında əsl qatilin günahsız insanı qətlə yetirməsi faktına diqqət çəkərək onun nəinki məhkəmə önünə çıxarıldığını, hətta 2 il şərti cəza alaraq faktiki olaraq azadlığa buraxıldığın qeyd edir. Bu yalnız ona görə baş verib ki, Sapeyan müxalifətçi namizədi dəstəkləyib, günahsız insanı qətlə yetirmiş “Kuka” ləqəbli qatil isə Robert Köçəryanın şəxsi mühafizə dəstəsinin rəisidir.
EMK bu cür halların yeganə olmadığını bildirir. Qeyd olunur ki. yüzlərlə ağır cinayətlər törətmiş adamlar rejimin himayəsinə sığınaraq cəza çəkməkdən xilas ola biliblər. Yüzlərcə insan isə yalnız müxalif baxışlarına görə rejim tərəfindən həbsə atılıb.
“Bandit rejimin əsl və antimilli mahiyyəti belədir, bütün xalq üçün həyasız çağırış olan bu rejimin məqsədi süqut günü tarixən əvvəlcədən müyyən olunmuş dövlətçilyi məhv etməkdir”.