İqtisadçı Rövşən Ağayev koronavirus pandemiyasının Azərbaycandakı banklara təsiri barədə danışıb.
Modern.az-ın məlumatına görə, R.Ağayev pandemiyanın bəzi bankları böyütdüyünü, bəzilərini içə kiçiltdiyini qeyd edib.
“2020-ci ildə aktivlərin həcmi baxımından sektordakı 26 bankdan 14-ü kiçilib, 12-i böyüyüb.
Ən çox kiçilmə AFB bankda olub - aktivlərinin həcmi 2 dəfəyə yaxın azalıb. Sonrakı sıralarda Bank Respublika (-26,8%), YeloBank (-21,4%), Yapı Kredi (-18.8%), MuğanBank (-10.6%) və s. olub.
Ən çox böyüyən NaxçıvanBank (28,7%) olub. Böyüyən bankların sonrakı sıralaması belə olub: KapitalBank (26,2%), BankVTB (19%), ZiraatBnak (18%), PaşaBank (15,6%) və s.”.
