Hollandiyanın «Telesport» nəşri bugünkü sayında milli komandamızın hücumçusu Vaqif Cavadovu Azərbaycan futbolunun Avropadakı səfiri kimi təqdim edib. Qəzet bu başlıqlı dərc etdiyi yazıda Vaqif Cavadovun fikirlərinə də yer ayırıb. «Bizim ölkədə güləş və şahmat çox inkişaf edib. Amma futbol idmanın bir nömrəli növü olaraq qalır. Mən fəxr edirəm ki, Azərbaycan müstəqilliyini bərpa etdikdən sonra onun Qərbi Avropadakı ilk futbol elçisiyəm» - deyə millimizin hücumçu bildirib.
Vaqif Cavadov Avropada oynamağın onun əsas məqsədi olduğunu deyib: «Bu mənada Avropada ilk addım üçün «Tvente» yaxşı mərhələdir».
Vaqif Cavadov «Tvente»nin sabah «Roda»ya qarşı keçiriləcək oyuna özünü 75 faiz hazır saydığını söyləyib: «İndi mənim məqsədim «Tvente»nin əsas heyətinə düşməkdir».
Vaqif Cavadov Rusiya klublarından da təklif almağına rəğmən, «Tvente»ni seçdiyini xatırladıb: «Mən həmişə zirvəyə qalxmaq istəyən futbolçu olmışam».
