Rusiyanın Kalininqrad vilayətində hökumət əleyhinə etiraz aksiyaları keçirilib. Modern.az Rusiya mətbuatına istinadən xəbər verir ki, vilayət sakinləri mitinqdə hökumətin iqtisadi siyasətinə etirazlarını bildiriblər. Mənzil kommunal tariflərinin, dövlət rüsumu və nəqliyat vergilərinin qaldırılmasına etiraz edən mitinq iştirakçıları baş nazir Vladimir Putinin istefasını tələb ediblər. 10 mindən artıq insanın iştirak etdiyi mitinqdə ölkənin bütün siyasi qüvvələri iştirak edib. Müxalifətdə olan “Həmrəylik”, “Yabloko”, “Rusiya vətənpərvərləri”, Rusiya Kommunist Partiyası, Liberal Demokrat Partiyası və “Ədalətli Rusiya” partiyaları mitinqdə siyasi şürarlar səsləndiriblər. İqtisadi tələblər irəli sürülən mitinq siyasi motivli aksiyaya çevrilib.
