“Hər kəs dövlətimizin sosial siyasətinə, eləcə də əhalinin əsas həssas qrupları olan qaçqın və məcburi köçkünlər, Qarabağ müharibə veteranları, qazilər, şəhid ailələri və hərbi qulluqçularla bağlı məsələlərə nə qədər önəm verdiyini bilir. Şəhid ailələrinin, qazilərin, hərbi qulluqçularımızın sosial müdafiəsi, təminatı Azərbaycanın sosial siyasətinin ana xətti olub. Sözsüz ki, Parlamentdə də bu məsələlərə hər kəs çox həssaslıqla yanaşır. Çünki bu bizim hər birimizin borcudur. Bu mənada parlamentdə müxtəlif siyasi partiyaları təmsil edən, eləcə də bitərəf millət vəkillərinin bu məsələlərdə fikrləri üst-üstə düşüb”.
Bu sözləri Modern.az-a Milli Məclisin deputatı Məlahət İbrahimqızı hərbçilərin maaşı ilə bağlı müzakirələrə münasibət bildirərkən deyib. Deputat xatırladıb ki, Milli Məclisin son iclasında hərbçilərin maaşı ilə bağlı məsələ gündəmə gətirildikdən sonra, bir qrup antimilli radikal qüvvələr, troll hərəkatı bunu tamamilə başqa səmtə yönəltdi:
“Çünki həmin trol hərəkatı neçə illərdir, dövlətimizi, dövlətçiliyimizi sarsıtmağa çalışır. Bu satqın qüvvələr Möhtərəm prezidentimizin ölkəmizdə bütün sahələrdə uğurla həyata keçirdiyi islahatlara kölgə salmaq istəyirlər. Sözsüz ki, dövlətimiz elə güclü və sağlam təməllər üzərində qurulmuşdur ki, bu mümkün deyil. Prezidentimizin və birinci vitse-prezidentimizin ölkəmizin rifahı, xalqımızın təminatı naminə gördüyü işlərə qara yaxmaq istəyirlər. Anlamırlar ki, Xalq-İqtidar-Prezident Birliyi sarsılmazdır. Məhz respublikamızda islahatların uğurlu olmasının səbəbi bu birlikdədir. Ölkəmizdə fəaliyyət göstərən 50-dən çox siyasi partiyalar Prezidentimizin həyata keçirdiyi təqdir edirlər. Biz bunu keçən il Vətən müharibəsində də şahidi olduq.
Bu bir geçəklikdir ki, 44 günlük vətən müharibəsindən sonra qazandığımız zəfərdən sonra onlar cəmiyyətin çöpxanasına göndərildi. Ali Baş Komandanımızın rəhbərliyi ilə müzəffər ordumuz qələbə çaldığı vaxtda onlar bir müddət susqunluq yarandı. Lakin həmin troll hərəkatı xaricdən maliyyələşdiyinə və ermənipərəst qüvvələrdən dəstək və tapşırıqlar alıdığına görə, yenidən fəaliyyətə başlayaraq qazandığımız zəfərə kölgə salmaq istəyirlər. Yəni onların mövcudluq missiyyası satqınlıq, böhtan, şər və xəyanətdir.
Bugünlərdə Milli Məclisin son iclasındakı müzakirənin başqa səmtə yönəltməyə cəhd etmələri onların iç üzünü bir daha açdı, Milli Məclisin spikerinə və deputatlara qarşı hüç bir əsas olmadan şər-böhtan yaymaları onların mahiyyətini bir daha göstərir.
Məlumdur ki, keçən il ölkəmizdə həyata keçirilən növbədənkənar parlament seçkilərindən sonra yeni qurulan Milli Məclisdə müxtəlif siyasi partiyalar təmsil edir və bugün siyasi münasibətlərdə yeni siyasi konfiqurasiya formalaşmışdır. Parlamentdə çox kontruktiv müzakirələr və debatlar keçirilir. Əlbəttə bu uğurları anti-milli qüvvələr heç cürə qəbul edə bilmirlər. Ötən bir il ərzində də Parlamentdə çöx önəmli və uğurlu islahatlar həyata keçirildi”.
M. İbrahimqızı vurğulayıb ki, Milli Məclisdə əhalinin sosial problemləri ilə bağlı hər zaman önəmli təkliflər səsləndirilir:
“Parlament ölkə başçısının və birinci vitse-prezidentimizin təşəbbüsü ilə həyata keçirilən bütün sosial layihələri həmişə dəstəkləmiş və təqdir etmişlər. Əminəm ki, Azərbaycan xalqı və ictimaiyyəti bu ünsürlərin təxribat xarakterli qarayaxmalarına əhəmiyyət verməyəcək”.
