Arxiv
5 Aprel 2021, 17:27 | ALLAH RƏHMƏT ELƏSİN
“Fəryad” filmində çəkilən aktyor Qocalar evində vəfat edib

“Fəryad” filmində Aşot obrazına çəkilən aktyor Fikrət Məmmədov 65 yaşında dünyasını dəyişib.

Modern.az saytı xəbər verir ki, sosial şəbəkələrdə yayılan xəbərlərdə aktyorun Qocalar evində dünyasını dəyişdiyi bildirilir.

Qeyd edək ki, aktyor Fikrət Məmmədov Azərbaycanın məşhur musiqi xadimi Ağası Məşədibəyovun nəvəsi, "Azərbaycanfilm"in keçmiş direktoru Əli Məmmədovun oğludur.

Fikrət Məmmədov vaxtilə Moskvadakı Ümumrusiya Dövlət Kinematoqrafiya İnstitutunu bitirib.

2002-ci ildə avtoqəzaya düşən aktyorun çənə sümüyü sındığından danışığında qüsurlar yaranmışdı.

Fikrət Məmmədov  “Axırıncı reys” (1989), “Bağlı qapı” (1981), “Bayquş gələndə” (1978), “Cin mikrorayonda” (1985), "Çarə” (1981), “Doğma sahillər” (1989), “Əlaqə” (1989), “Fəryad” (1993), “Fırıldaqçı” (1983), “Gözbağlıcı” (1986), “Gümüşgöl” əfsanəsi (1984), “Güzgü” (1990), “Hədiyyə” (1986) və başqa filmlərdə də çəkilib.

Allah rəhmət eləsin…

VIDEO
BU KATEQORİYADAN OLAN DİGƏR XƏBƏRLƏR
+ Arxiv