Fevralın 4-də Lökbatanda palçıq vulkanı püskürüb. Azərbaycan Milli Elmlər Akademiyası Geologiya İnstitutunun mətbuat xidmətinin yaydığı məlumata görə, səhər saat 9:40 radələrindən başlayan və 10 dəqiqə davam edən püskürmə palçıq sıçrayışları və uğultu ilə müşahidə olunub.
Bu, Lökbatan palçıq vulkanının son 200 ildə 23-cü püskürməsidir. Sonuncu dəfə 2001-ci ildə aktivləşmiş bu vulkan püskürmə sayına görə təkcə Azərbaycanda deyil, bütün dünyada birinci yerdədir.
Geologiya İnstitutunun mətbuat xidməti bildirir ki, hazırkı püskürmə heç bir təhlükə doğurmur.