Yaponiyanın sənaye qrupu Toshiba Corporation İngiltərənin özəl sərmayə şirkəti CVC Capital Partners-in 20 milyard dollarlıq satınalma təklifini rədd edib.
Toshiba-nın yaydığı açıqlamaya görə, CVC-in satınalma təklifi həqiqətən qiymətləndiriləcək qədər "xüsusi" olmayıb. CVC Yapon şirkətini satın alıb birjadan çıxararaq özəl bir şirkətə çevirməyi planlaşdırırdı.
Toshiba yeni növ koronavirus (Kovid-19) pandemiyasının səbəb olduğu qlobal iqtisadi böhrandan zərər görüb. Toshiba-nın portfelində atom stansiya və müdafiə sənayesi layihələrinin olmasına görə Yaponiya hökumətinin də satışa razılıq verməsi lazım idi.