Milli Məclisin bitərəf deputatlarının iclası keçirilib.
Modern.az saytı xəbər verir ki, iclasda Milli Məclisin heç bir siyasi partiyaya mənsub olmayan deputatları Mərkəzi Seçki Komissiyasında (MSK) təmsil olunacaq 6 namizədini müəyyənləşdirilib.
Bitərəf deputatlar aşağıdakı şəxsləri MSK-ya namizəd kimi təqdim ediblər. Onların namizədliyi təsdiqlənmək üçün Milli Məclisin plenar iclasına tövsiyə edilib.
VI çağırış Milli Məclisdə 45 bitərəf deputat təmsil olunur.
Qeyd edək ki, MSK 18 üzvdən ibarətdir və Milli Məclis tərəfindən seçilir. MSK-nın 6 üzvü deputatları Milli Məclisdə çoxluq təşkil edən partiyanı, 6 üzvü heç bir siyasi partiyaya mənsub olmayan Milli Məclis deputatlarını (bitərəfləri), 6 üzvü isə deputatları Milli Məclisdə azlıq təşkil edən siyasi partiyaları təmsil edir.
2020-ci ilin fevralında ölkə parlamentinə növbədənkənar seçkilər keçirilib. MSK üzvlərinin səlahiyyət müddəti bu il aprelin 15-də bitdiyindən, Komissiya yenidən formalaşdırılır.
