Milli Məclisin bu gün keçirilən plenar iclasında çıxış edən deputat Əli Məsimli şəhid adlarının əbədiləşdirilməsi məsələsinə toxunub.
Modern.az xəbər verir ki, deputat qanunvericilikdə şəhid adının əbədiləşdirilməsi ilə bağlı tələblərə yenidən baxılmalı olduğunu bildirib:
"Şəhid ailələrini ən çox narahat edən məsələ övladının adının əbədiləşdirilməsi ilə bağlıdır. Elə kənd var ki, onun sadəcə bir şəhidi var. Ancaq həmin şəhidin adı nə məktəbə, nə də küçələrə verilə bilir. Çünki qanunvericilikdə qoyulan tələblərlə bunu etmək olmur”.
