"Azərbaycanla Rusiya arasında 2021-2022-ci illər üçün məsləhətləşmərə dair sənəd imzalanıb.
Modern.az xəbər verir ki, bunu Xarici İşlər naziri Ceyhun Bayramov rusiyalı həmkarı Sergey Lavrovla bu gün keçirilən mətbuat konfransında deyib.
XİN başçısı bildirib ki, bu gün Azərbaycanla Rusiya arasındakı müxtəlif sahələri əhatə edən sənəd var.
C.Bayramovun sözlərinə görə, S.Lavrovla görüşündə hökumətlərarası komissiyanın fəaliyyəti də müzakirə olunub:
“Düşünürük ki, bu ilin aprelində Moskvada baş tutan hökumətlərarası komissiyanın iclasında qəbul olunan qərarlar həyata keçiriləcək. Ümid edirik ki, koronavirus pandemiyası ilə bağlı azalan ticarət dövriyyəsi yenidən əvvəlki səviyyəyə qalxacaq"
