Beynəlxalq müşahidəçilər Ukraynada keçirilmiş prezident seçkilərinin ikinci turu ilə bağlı öz rəylərini açıqlayıb. Modern.az xəbər verir ki, beynəlxalq müşahidəçilərin bu gün yaydığı bəyanatda qeyd olunur ki, Ukrayna prezident seçkilərinin ikinci turu Avropa Şurası və ATƏT normalarına uyğundur. Bəyanatda qeyd olunur ki, bu seçkilərdə 2004-cü il seçkiləri ilə müqayisədə proqres müşahidə olunub. Müşahidəçilər prezidentliyə namizədlər arasında qarşılıqlı etimadın çatışmamazlığını qeyd ediblər. Onlar səsvermənin peşəkar, şəffaf və azad olduğunu bildiriblər. Müşahidə missiyasının rəhbəri Joao Soareş qeyd edib ki, səsvermə demokratik seçkilərin yaddaqalan əksi olub. O, bəyan edib ki, bu seçkilər Ukraynada hər kəs üçün qələbə olub.
ATƏT nümayəndələri isə Ukrayna siyasətçilərini ikinci tur seçkilərdən sonra hakimiyyətin dinc və konstruktiv ötürülməsini təmin etməyə çağırıb.
Ən son məlumtlara görə isə Yanukoviç və Timoşenkonun topladığı səslər arasında fərq böyüyür. Səslərin 97 faizinin hesablanmasından sonra Yanukoviçin rəqibi Yuliya Timoşenkonu artıq 3 faiz səslə qabaqladığı bildirilir. Yanukoviç 48.49, Timoşenko isə 45.92 faiz səs yığıb.
