Kəlbəcərə elatın qayıdışı və yaylaqlarda normal həyatın qismən bərpası pilot layihədir.
Bu barədə Modern.az-a Kənd Təsərrüfatı Nazirliyindən məlumat verilib. Məlumatda qeyd edilib ki, layihənin detalları haqqında geniş məlumat ictimaiyyətə açıqlanacaq.
Nazirlikdən o da bildirilib ki, hazırda Kəlbəcər yaylaqlarına qaytarılan heyvanların bir hissəsi "Azəraqrar Dövlət İstehsalat və Emal Birliyi" MMC-nin balansında olan heyvanlardır. Damazlıq təsərrüfatının heyvanları və kəlbəcərli fermerlərin mal-qarası yaylaqlara qaytarılıb.
Xatırladaq ki, elatın Kəlbəcərə köç etməsinin ardından arıçılar da arı ailələrini bölgəyə aparıblar. Bu barədə videolar sosial şəbəkələrdə yayılıb.
