Yeni Azərbaycan Partiyası parlament seçkilərində gənclərin və qadınların iştirakına xüsusi diqqət verəcək. Bunu jurnalistlərə vitse-spiker Bahar Muradova bildirib.
Onun sözlərinə görə seçkilərdə qadın və gənc namizədlərin sayının artması partiyanın taktikasıdır və bütün kampaniyalarda bu taktikaya üstünlük verirlər.
Növbəti parlament seçkilərində deputat yeri məsələsinə gəlincə, B.Muradova bildirib ki, "biz qələbəyə iddialıyıq və bilirik ki, bunu əldə edəcəyik". Vitse spiker nə qədər yer alacaqlarını seçicilərin müəyyənləşdirdiyini deyib.
Modern.az