Şəkidə biçilməmiş taxıl sahəsi yanıb.
Modern.az-ın məlumatına görə, bu gün rayonun Oraban kəndinin inzibati ərazisində taxıl sahələrində yanğın baş verib. Yanğının söndürülməsi üçün hadisə yerinə Fövqaladə Hallar Nazirliyinin (FHN) Şəki rayon Dövlət Yanğından Mühafizə Hissəsinin texnikaları və şəxsi heyətləri cəlb edilib. Yanğın nəticəsində kənd sakinlərinə məxsus, 4 hektar biçilməmiş, 3 hektar biçilmiş taxıl sahəsi, 0,5 hektar ərazidə quru ot-kol və 3 ədəd qovaq ağacı yanıb. Yanğının genişlənərək ətraf sahələrə keçməsinin qarşısı alınıb. Yanğın zamanı xəsarət alan olmayıb.
Faktla bağlı araşdırma aparılır.
