Ermənistanda seçkilər başa çatdı. Mərkəzi seçki komissiyası ciddi qanun pozuntularına baxmayaraq, ölkədə seçkinin baş tutduğunu elan etdi. İndi bu yazımla mənim 44 günlük ikinci Qarabağ savaşında Azərbaycan Ordusu tərəfindən məğlubiyyətə uğradılmış Paşinyan hökumətinin ciddi saxtakarlıqlar hesabına yenidən Ermənistanda hakimiyyəti ələ keçirməsinin tam təfərrüatı üzərində dayanmaq fikrim yoxdur. Heç Rusiyanın özünə yaxın dost hesab etdiyi Xocalı qatili Robert Köçəryanın seçkidə nəticə əldə edə bilməməsinin səbəblərini təhlil etmək marağında da deyiləm.
Sorosun milyonları hesabına at oynadan Nikol kimisinin hökuməti götürməsi əslində uzunqululaq Köçəryanın hakimiyyətə gəlməsindən bizim üçün daha sərfəli və daha münasibdir. Qəddar və qaniçən faşistdənsə, ağılsız və maymaq birisinin düşmən ölkədə baş nazirliyi təkcə Azərbaycan üçün yox, ümumən bütün bölgə üçün daha məqsədəuygundur.
Amma ilanın ağına da, qarasına da. Erməni ermənidir!!!
Məni bu statusu yazmağa vadar edən səbəb də bu fərqli yanaşmanı içimizdəki bəzilərinn hələ də tam anlaya bilməməsi ilə əlaqədardır. Lap çılpaqlığı ilə ifadə edərəmsə, aytı-ayrı dar düşüncə sahiblərimizin erməni "demokratizminin" seçkilərdə "qalib" olmasına Azərbaycanın bir çox informasiya məkanında verilən dəyərləndirmədir. Düşmən ölkədə keçirilən seçkilərə münasibətdə Azərbaycana məxsus ayrı-ayrı internet məkanlarında nümayiş etdirilən "həqiqətpəstliyi", bir sözlə, aparılan yanlış və gərəksiz təbliğatı anlamaqda çətinlik çəkirəm. Sosial şəbəkələrin geniş yer verdiyi Nikol demokratizminin Köçəryan üzərində qələbəsi demək olar ki, bütün informasiya mənbələrimizin manşetlərini bürümüşdü. İndi də davam edir. Məni üzən, ürəyimi parça-parça edən də budur. Məni doğrudan bu üslubi seçim ağrıtdı. Hətta özünü siyasətin bilicisi, demokratiyanın carçısı hesab edən bəzi soydaşlarımızın Paşinyanın demokratik yolla ikinci dəfə hakimiyyətə gəlməsini təqdir etmələri adamı dəhşətə gətirir. Anlaya bilmirəm ki, axı biz niyə beləyik!!!
Eldar Sabiroğlu,
sabiq millət vəkili, ehtiyatda olan polkovnik
