Milli Məclisin Birinci vitse-spikeri Əli Hüseynli parlamentin bu gün keçirilən növbədənkənar sessiyasında “Mediasiya haqqında” qanun haqqında danışıb.
Modern.az xəbər verir ki, deputat qanunun 2019-cu ildə qəbul edildiyini xatırladıb.
Ə. Hüseynli deyib ki, faktiki olaraq bu qanun bu il iyulun 1-dən qüvvəyə minəcək:
“Hazırda 294 mediator təlimdən keçib, sertifikatları var. Mediatorlar üçün 25 yaş, 3 il iş stajı tələbi qoyuldu, hüquq təhsili şərt kimi irəli sürülmədi. Ancaq buna baxmayaraq, sertifikat alanların yarıdan çoxu hüquqşünasdır”.