Medianın İnkişafı Agentliyinin (MEDİA) İcraçı direktoru Əhməd İsmayılov bu gün keçirdiyi mətbuat konfransında üçüncü “Jurnalisatlər binası” ilə bağlı suala da cavab verib.
Modern.az saytının məlumatına görə, o, binanın hələ MEDİA-ya təhvil verilmədiyini qeyd edib.
“Jurnalistlər üçün tikilən sonuncu bina hələ podratçı şirkət tərəfindən təhvil verilməyib”.
Ə.İsmayılovun sözlərin ə görə, binada hələ görüləcək işlər var:
“Binanın nə zaman təhvil veriləcəyi ilə bağlı məlumat yoxdur. Qərar olduğu təqdirdə ictimaiyyətə məlumat veriləcək”.
Qeyd edək ki, jurnalistlər üçün tikilən 3-ci binanın özülü 2017-ci ildə qoyulub. Bina 17 mərtəbəli, 255 mənzillidir.
Xatırladaq ki, jurnalistlərin Bakının Bibiheybət yaşayış sahəsindəki 156 mənzildən ibarət ilk binası 2013-cü ildə istifadəyə verilib.
256 mənzildən ibarət ikinci bina isə 2017-ci ilin iyulunda sahiblərinə verilib.