Modern.az

German Zaxaryayev təltif edildi  

German Zaxaryayev təltif edildi  

21 İyul 2021, 19:27

Diasporla İş üzrə Dövlət Komitəsi Rusiya Yəhudi Konqresinin vitse-prezidenti, dağ yəhudilərinin STMEQİ Beynəlxalq xeyriyyə fondunun prezidenti German Zaxaryayevi Azərbaycan Respublikasının Prezidenti İlham Əliyevin müvafiq sərəncamı ilə təsis olunmuş “Diaspor fəaliyyətində xidmətə görə” medalı ilə təltif edib.

 

Modern.az STMEQİ-yə istinadla xəbər verir ki, bu günlərdə German Zaxaryayevlə Diasporla İş üzrə Dövlət Komitəsinin sədri Fuad Muradov arasında görüş olub. Həmin görüşdə Fuad Muradov German Zaxaryayevə “Diaspor fəaliyyətində xidmətə görə” medalını təqdim edib.

 

Qeyd edək ki, bir neçə gün bundan əvvəl German Raşbiloviçin 50 yaşı tamam olub.

 

“STMEQİ” Beynəlxalq Fondunun rəhbəri Rusiyada Azərbaycan diasporunun inkişafına əhəmiyyətli töhfə verib, həmçinin Azərbaycanda dağ yəhudiləri irsinin tarixi və mədəni müxtəlifliyinin qorunub saxlanılması üçün çoxsaylı layihələr reallaşdırıb.

Youtube
Kanalımıza abunə olmağı unutmayın!
Keçid et
Paşinyan Qazaxa gəldi - Ermənilər üzərinə hücum çəkdi