Rusiya prezidenti Vladimir Putin Təhlükəsizlik Şurasının iclasını keçirib.
Modern.az Rusiya KİV-nə istinadən xəbər verir ki, iclasda Azərbaycan-Ermənistan sərhədinin Kəlbəcər rayonu istiqamətində qeydə alınan son hadisələr müzakirə olunub.
Kəlbəcərdəki vəziyyətlə yanaşı, Putin iclas iştirakçıları ilə Əfqanıstandakı durum, Taliban hərəkatının irəliləməsi və digər məsələlər ətrafında fikir mübadiləsi aparıb.
Xatırladaq ki, Kəlbəcər istiqamətində erməni tərəfinin atəşkəsi kobud pozması nəticəsində Ordumuzun 2 hərbi qulluqçusu yaralanmışdı.
