Bu gün Türkiyə 2016-cı il Avropa futbol çempionatına ev sahibliyi ərizəsini UEFA-ya təqdim edəcək. Modern.az xəbər verir ki, ərizənin rəsmi təqdimolunma mərasimi bu gün axşam saatlarında İsveçrənin Niyon şəhərində olacaq. 2016-cı ilin futbol çempionatına ev sahibliyinə Türkiyədən əlavə İspaniya və Fransa da iddialıdır. Mayın 28-də keçiriləcək gizli səsvermə gedişində UEFA EURO-2016-nın ev sahibi məlum olacaq. UEFA EURO-2016-da ilk dəfə 24 futbol komandası iştirak edəcək. Bir ay ərzində 9 ayrı-ayrı stadionlarda 51 oyun keçiriləcək.