Hesablama Palatası tərəfindən İcbari Tibbi Sığorta üzrə Dövlət Agentliyində aparılan yoxlamalar başa çatıb.
Bunu Modern.az-a açıqlamasında Hesablama Platasının mətbuat katibi Nailə Qazıyeva bildirib.
N.Qazıyevanın sözlərinə görə, audit 2019-2020-ci illəri əhatə edib:
“Palata xüsusi olaraq Tibbi Ərazi Bölmələrini İdarəetmə Birliyində (TƏBİB) yoxlama aparmayıb. Çünki TƏBİB Agentliyin tərkibində qurumdur”.
Palata rəsmisi deyib ki, hələlik audit nəticələri kollegiya iclasında müzakirə edilməyib:
“Bu səbəbdən də nəticələr barədə ictimaiyyətə məlumat verilmir. Kollegiya iclasında müzakirə aparıldıqdan sonra ictimaiyyətə açıqlama veriləcək və prosedura uyğun olaraq Milli Məclisə təqdim olunacaq”.