ABŞ-ın Ermənistandakı səfiri Lin Treysi Gorus-Qafan yolunda baş verən hadisələrə reaksiya verib.
Modern.az xəbər verir ki, amerikalı diplomat jurnalistlərə açıqlamasında hadisələri “fövqəladə vacib” adlandırıb.
“Gorus-Qafan yolunda gördüklərimiz çox önəmlidir. Hələ noyabrda atəşin dayandırılması barədə razılaşma əldə olunan vaxtdan bu barədə dəfələrlə xatırlatma edirdik”, - deyə səfir söyləyib.
Səfir Qarabağ məsələsinin yekun həll olunmadığını söyləyərək məsələnin nizamlanması üçün sülh müqaviləsinə ehtiyac olduğunu vurğulayıb.
Xatırladaq ki, sentybarın 12-də Gorus-Qafan yolunun Azərbaycan ərazisindən keçən hissəsində polis postunun qurulması Ermənistan və İranda isterika yaratmışdı.
