Rusiya Kommunist Partiyası parlament seçkilərinin nəticəsindən narazı qalıb.
Modern.az Rusiya KİV-nə istinadən xəbər verir ki, kommunistlər “Vahid Rusiya” partiyasının səs faizlərinin kəskin artmasından narazı qalıb.
“Əgər axşam saat 7 radələrində “Vahid Rusiya” partiyası ilə nəticələrimiz arasında 25-35% fərq var idisə, səhər bizim 6% səsimiz oğurlandı. Mən riyaziyyatçı kimi deyirəm, gecə boyunca “Vahid Rusiya”nın səsləri artıb, kommunistlərdə azalıb və daha 2 partiyada isə yerində sayıb”, Kommunist Partiyasının nümayəndəsi deyib.
Kommunist Partiyası Moskvada keçirilən elektron səsvermənin nəticələrini tanlımadığını deyib. Partiya bu gün saat 19:00 üçün Moskvanın Puşkin meydanında mitinq çağırıb.
