Cənubi Afrikada arı sürüsü nəsli kəsilməkdə olan Afrika pinqvinlərinə hücum edib.
Modern.az xəbər verir ki, bu barədə “BBC” agentliyi yazıb.
Hücum nəticəsində 63 pinqvinin öldüyü bildirilir. Agentlik qeyd edir ki, bu, ildə 60 minə yaxın insanın ziyarət etdiyi dünyaca məşhur “Boulders Beach” sahillərində qeydə alınan ilk hücumdur.
Ölü tapılan pinqvinlər üzərində aparılan araşdırmada quşların gözlərinin ətrafında arıların neştərləri aşkarlanıb.
Kiçik boyları ilə fərqlənən Afrika pinqvinləri Cənubi Afrika və Namibiya sahillərində yaşayırlar.
Akif İsmayılov