Modern.az

“Ermənistan Azərbaycana qarşı ərazi iddiaları irəli sürməyə davam edərsə...” – Prezident

“Ermənistan Azərbaycana qarşı ərazi iddiaları irəli sürməyə davam edərsə...” – Prezident

24 Sentyabr 2021, 11:56

“Əgər Ermənistan Azərbaycana qarşı ərazi iddiaları irəli sürməyə davam edərsə, onda biz də özümüzü Ermənistana cavab olaraq ərazi iddiaları irəli sürməkdən saxlaya bilməyəcəyik”.

 

Modern.az xəbər verir ki, bu barədə Azərbaycan Prezidenti İlham Əliyev Rusiyanın “Milli Müdafiə” jurnalına müsahibəsində deyib.

 

 Prezident Ermənistanın hələ də Dağlıq Qarabağın statusunu qaldırmaq cəhdlərinin perspektivsiz olduğunu bildirib:

 

“Təəssüf ki, hələ də Dağlıq Qarabağın statusu məsələsi qaldırılır, bu tamamilə perspektivsizdir. Düşünürəm ki, bu Ermənistanın hazırkı acınacaqlı durumunda təhlükəli və zərərlidir. Onlar İkinci Qarabağ Müharibəsinin dərslərini unutmamalıdır. Əgər Ermənistan Azərbaycana qarşı ərazi iddiaları irəli sürməyə davam edərsə, onda biz də özümüzü Ermənistana cavab olaraq ərazi iddiaları irəli sürməkdən saxlaya bilməyəcəyik. Tarixi məxsusluq baxımından bizim Zəngəzura yaxud Göyçə gölü hövzəsinə iddia irəli sürməyimiz üçün daha çox əsasımız var. Amma biz bunu etmirik”.

 

Prezident İlham Əliyev kapitulasiya aktı imzalayan Ermənistanın Dağlıq Qarabağdan danışmasına haqqı çatmadığını əlavə edib.

 

“Dağlıq Qarabağ yoxdur. Qarabağ iqtisadi rayonu var, Şərqi Zəngəzur iqtisadi rayonu var. Bura bizim ərazidir və onun inzibati quruluşunu biz müəyyən edirik”, - deyə prezident söyləyib.

Youtube
Kanalımıza abunə olmağı unutmayın!
Keçid et
Ukraynadan hər kəsi şok edən xəbər: Azərbaycanlı jurnalist vəfat etdi