Almaniyada parlament seçkiləri başa çatıb.
Modern.az xəbər verir ki, Bundestaqa keçirilən seçkilərdə səslərin 100%-i sayılıb. Hazırkı kansler Angela Merkelin təmsil olunduğu hakim Xristian Demokratlar Birliyi səslərin 24,1%-ni toplayıb. Sosial Demokratlar Partiyası qələbə qazanaraq 25,7% toplayıb.
Partiyanın lideri Olaf Şolz yeni hökumət formalaşdırmağa əsas namizəd olacaq.
“Yaşıllar” Partiyası isə 14,8% göstərici ilə tarixlərində ən yaxşı nəticəni göstərib. “Almaniya üçün Alternativ” 10,3% səs toplayaraq Bundestaqda 4-cü ən böyük fraksiya olacaq. 39 deputatla təmsil olunmasına rəğmən, “Solçular” parlamentdə 4,9% səs toplayaraq "5%-lik baryer"i aşa bilməyiblər.
Partiyalar arasında deputat kürsüləri belə bölünüb:
Sosial Demokrat Partiyası - 206
Xristian Demokratlar Birliyi - 196
“Yaşıllar” Partiyası – 118
“Almaniya üçün Alternativ” – 83
“Solçular” – 39
Cənubi Şlezviq Seçicilərinin İttifaqı - 1
