Arxiv
30 Sentyabr 2021, 16:06 | AKTUAL
Deputat salfet satan azyaşlılardan DANIŞDI

Deputat Əli Məsimli parlamentin bu gün keçirilən plenar iclasında valideyn himayəsindən məhrum edilmə məsələsindən danışıb.

 

Modern.az-ın məlumatına görə, deputat valideyn himayəsindən məhrum olan uşaqların sayının on minlərlə olduğunu söyləyib:

 

"Onların taleyinə biganə yanaşmağı qəbul etmirəm. Onların sayının azaldılması istiqamətində ciddi işlər görülməlidir. Bu gün o uşaqlar salfeti uzadıb xahişlə, minnətlə pul istəyirlərsə, böyüyəndən sonra bunu artıq başqa cür istəyəcəklər”.

 

Ə. Məsimli şəhid olanların çoxunun ailəsinin də aztəminatlı olduğunu qeyd edib. O təklif edib ki, Anım Günündən Zəfər gününə qədər olan müddətdə aztəminatlı ailələrin şəhid övladlarının da adına bulaqlar açılsın, onların xatirəsi əbədiləşdirilsin".

BU KATEQORİYADAN OLAN DİGƏR XƏBƏRLƏR
+ Arxiv