Son 5 ildə Azərbaycanda eşşəklərin və atların sayı xeyli azalıb.
Modern.az saytının Dövlət Statistika Komitəsindən əldə etdiyi məlumata görə, hər iki heyvan üzrə azalma 12 min başdan çoxdur.
Rəsmi statistikaya görə, 2016-cı ildə ölkədə 35 min 800 eşşək olubsa, 2021-ci ildə uzunqulaqların sayı azalaraq, 23 min 400-ə düşüb. Bu isə son 5 ildə 12400 baş eşşəyin yoxa çıxması deməkdir.
Atların sayına gəldikdə, 2016-cı ildə Azərbaycanda 73 min 700 at olubsa, son 5 ildə bu heyvanlar 13300 baş azalıb. Belə ki, 2021-ci ilin rəsmi statistikasında atların sayı 60 min 400 baş göstərilib.