Ermənistanın Mülki Aviasiya Komitəsi Bakı-Naxçıvan reysi ilə bağlı açıqlama verib.
Modern.az Ermənistan KİV-nə istinadən xəbər verir ki, qurum uçuşun Ermənistanın hava məkanından keçdiyini təsdiqləyib.
Bundan başqa, Ermənistanın yalnız 44 günlük müharibə zamanı hava sərhədlərini Azərbaycan üçün bağlı saxladığını vurğulayıb.
Rəsmi Yerevan Bakıdan Naxçıvana Ermənistan üzərindən sonuncu reysin 2014-cü il noyabrın 8-də həyata keçirildiyini xatırladıb.