Erməniastan Müdafiə Nazirliyi Rusiyada fəaliyyət göstərən Strategiyaların və Texnologiyaların Analizi Mərkəzinin II Qarabağ müharibəsinə dair nəşr etdiyi “Qafqazda fırtına” adlı kitabla bağlı açıqlama verib.
Modern.az xatırladır ki, rusiyalı ekspertlər kitabda hərbi əməliyyatlar zamanı ermənilərin özlərinin açdığı atəşlə 4 Su-25 hücum təyyarəsini və 1 Mi-8 hərbi-nəqliyyat vertolyotunu vurduğu bildirilirdi.
Məsələyə münasibət bildirən Müdafiə Nazirliyi bu iddiaları qəbul etməyib.
“Araşdırmaların nəticəsinə görə 44 günlük döyüşlər zamanı hərbi təyyarə və helikopterlərimiz rəqib tərəfindən vurulub”- deyə açıqlamada deyilir.
