Rusiyanın Orenburq vilayətində keyfiyyətsiz araqdan zəhərlənənlərin sayı 67-yə çatıb.
Modern.az Rusiya KİV-nə istinadən xəbər verir ki, onlardan 34-ü ölüb, 32-si isə xəstəxanada müalicə alır.
Tərkibi ölümcül metanoldan ibarət olan araqların qanunsuz istehsalında və satışında 3 azərbaycanlı ittiham olunur. Rusiya vətəndaşı olan Şarlan Bağırzadə, Sadiq Əliyev və daha bir Əliyev soyadlı azərbaycanlı saxlanılıb.
Onları 10 ilə qədər həbs cəzası gözləyir.