Arxiv
12 Oktyabr 2021, 10:15 | AKTUAL
Bolqarıstanlı deputatlardan həmkarlarına MƏKTUB

Bu günlərdə Milli Məclisə Bolqarıstan Respublikası Xalq Məclisinin Azərbaycanla Dostluq Qrupunun sədri Həmid Həmidin imzası ilə məktub daxil olub.

 

Bu barədə Modern.az-a Milli Məclisin mətbuat xidmətindən məlumat verilib.

 

Bildirilib ki, Bolqarıstanla parlamentlərarası əlaqələr üzrə işçi qrupunun rəhbəri Rauf Əliyevin adına ünvanlanmış məktubda azərbaycanlı deputatlara Azərbaycanın Qarabağ uğrunda Vətən müharibəsində əldə etdiyi tarixi qələbənin ildönümü münasibəti ilə səmimi təbriklər çatdırılır, Ermənistanın işğalı nəticəsində Azərbaycan ərazisinə dəyən zərərin tezliklə aradan qaldırılması, regionda sülhün və əmin-amanlığın bərqərar olması arzusu ifadə olunur.

 

Təbrik məktubunda işğaldan azad edilmiş Azərbaycan torpaqlarında bərpa və yenidənqurma işlərinin qısa zamanda başa çatması, bu yerlərdən didərgin düşmüş insanların öz doğma yurd-yuvalarına geri qayıtması istəyi əks olunub.

BU KATEQORİYADAN OLAN DİGƏR XƏBƏRLƏR
+ Arxiv