Arxiv
14 Oktyabr 2021, 14:10 | TƏHSİL
İki universitetdə koronavirus aşkarlandı - 4 qrupda dərslər dayandırıldı

Azərbaycanda iki universitetdə koronavirusa yoluxma halı qeydə alınıb.

 

Modern.az xəbər verir ki, Azərbaycan Pedaqoji Universitetinin (ADPU) 2 qrupunda tələbələr arasında koronavirus aşkarlanıb. Bu səbəbdən həmin qruplar 14 gün müddətində distant təhsilə keçib.

 

ADPU-nun mətbuat katibi Cavid Hüseynov Modern.az-a bildirib ki, yoluxma halı Fizika və Riyaziyyat, İncəsənət və Fiziki Tərbiyə fakültələrinin tələbələri arasında baş verib.

 

Analoji hal Azərbaycan Dillər Universitetində də baş verib. Belə ki, universitetin 2 qrupunda koronavirusa yoluxma halı aşkarlandığından qruplar distant təhsilə keçib.

ADU-nun mətbuat katibi Ağa Cəfərli saytımıza deyib ki, qruplarda yoluxma hallarının qeydə alınması ilə bağlı araşdırma aparılır, əlavə məlumat veriləcək.

 

 

BU KATEQORİYADAN OLAN DİGƏR XƏBƏRLƏR
+ Arxiv