Daha bir universitetdə COVID-19 aşkarlandığından dərslər onlayn rejimdə davam etdiriləcək.
Modern.az xəbər verir ki, Azərbaycan Texniki Universitetində ötən həftəsonu 3 tələbənin COVID-19 testi pozitiv çıxıb. Bu səbəbdən həmin tələbələrin təhsil aldığı qruplar onlayn tədrisə keçib.
Universitetin mətbuat katibi Sevinc İsgəndərova Modern.az-a faktı təsdiqləyib.
O bildirib ki, universitetin Nəqliyyat və logistika fakültəsindən 1 tələbə, Energetika və avtomatika fakültəsindən 1 tələbə, İnformasiya və telekommunikasiya texnologiyaları fakültəsindən 1 tələbənin COVID-19 testinin nəticəsi pozitiv çıxıb.
