Facebook sosial şəbəkəsi, İnstaqram xidməti və WhatsApp mesencerinin sahibi olan ABŞ-ın "Facebook" korporasiyası gələn həftə adını dəyişdirməyi planlaşdırır.
Modern.az-ın məlumatına görə, bu barədə Verge portalı mənbələrə istinadən məlumat yayıb.
Məlumata əsasən, Facebook-un bununla bağlı planlarını oktyabrın 28-i keçiriləcək konfransda elan edəcəyi gözlənilir.
Qeyd edilir ki, Facebook-un yeni adı "metakainat" konsepsiyasına uyğun olacaq.
Facebook sosial şəbəkəsi 2004-cü ilin fevralında 19 yaşlı amerikalı tələbə Mark Sukerberq tərəfindən yaradılıb. O, hazırda ABŞ-ın ən varlı adamlarından biridir. Bu il sentyabrın əvvəlinə olan məlumata görə, Mark Sukerberqin varidatı 134,5 milyard dollar təşkil edib.