Dünyada, eləcə də Azərbaycanda ölüm səbəblərinin əsasını ürək-damar xəstəlikləri təşkil edir.
Modern.az xəbər verir ki, bunu invaziv kardioloq Fərid Əliyev deyib:
“Qeydə alınan ölümlərin 50 faizindən çoxu ürək-damar xəstəliklərinin payına düşür. Hesablamalar 2050-ci ilə qədər ölüm səbəbləri arasında ürək-damar xəstəliklərinin birinci yerdə qərar tutacağını, daha sonra isə onkoloji xəstəliklərin önə keçəcəyini proqnozlaşdırır”.
Onun sözlərinə görə, ürək çatışmazlığından əziyyət çəkən xəstələrin koronavirusa yoluxma riski yüksəkdir. Kardioloq deyib ki, ürək-damar xəstələri yoluxduqları zaman xəstəliyi daha ağır keçirirlər.
“Ürəyində protez qapaq olanlar, ağır ürək çatışmazlığından və anadangəlmə ürək qüsurlarından əziyyət çəkənlərdə koronavirusun gedişi daha ağırdır”.
