Arxiv
20 Oktyabr 2021, 14:33 | TƏHSİL
Daha bir universitetdə tələbələr COVID-19-a YOLUXDU

Qərbi Kaspi Universitetinin Mühəndislik fakültəsində koronavirus aşkarlandığı üçün iki qrup distant təhsilə keçib.



Bu barədə Modern.az-a universitetin mətbuat katibi Vüsal Məmmədov məlumat verib.

 

O bildirib ki, pandemiya qaydalarına uyğun olaraq, koronavirus infeksiyası aşkaralanan qrupların dərsləri onlayn rejimə keçirilib:

 

“Qərbi Kaspi Universiteti pandemiya dövründə tədrisi Nazirlər Kabinetinin müəyyən etdiyi qaydalar əsasında təşkil edir.

Ənənəvi tədris prosesində yalnız COVID-19 pasportu olan tələbələr iştirak edir. Eyni zamanda, maskadan istifadə vacib tələbdir”.

 

Qərbi Kaspi Universiteti auditoriyalarını dərsləri həm də onlayn formada da təşkil etmək üçün uyğunlaşdırıb: 150-dək dərs otağı bunun üçün münasib vəziyyətə gətirilib, müvafiq maddi-texniki baza ilə təmin edilib, bir sıra auditoriyalarda interaktiv lövhələr quraşdırılıb.      
BU KATEQORİYADAN OLAN DİGƏR XƏBƏRLƏR
+ Arxiv