Nigeriyanın Oyo vilayətində həbsxanaya silahlı hücum edilib.
Modern.az xəbər verir ki, bu barədə “Reuters” agentliyi yerli mənbələrə istinadən yazıb.
Hücumdan sonra həbsxanadan 800-dən çox məhbus qaçıb, onlardan 250-dən çoxu saxlanılıb. Digərlərindən hələlik xəbər yoxdir.
Məlumata görə, silahlı şəxslərlə mühafizəçilər arasında toqquşma yaşanıb, bu əsnada məhbuslar dinamit partladaraq divarı dağıdıb və qaçıblar.
Qeyd olunur ki, bu, son 1 il ərzində ölkədə həbsxanalara edilən 3-cü silahlı hücumdur.
Akif İsmayılov
