“Dolların satışının dayandırılması ilə bağlı məlumatlar əsassızdır”.
Modern.az xəbər verir ki, bunu AMB-nin İdarə Heyətinin sədri Elman Rüstəmov faiz dəhlizinin parametrlərinin elan edilməsinə dair onlayn mətbuat konfransında bildirib.
E.Rüstəmov qeyd edib ki, Mərkəzi Bank tərəfindən kommersiya banklarına belə göstərişlər verilməyib:
“O ki, qaldı dövriyyədəki saxta dollara qarşı mübarizəyə, Mərkəzi Bank bu istiqamətdə davamlı tədbirlər həyata keçirir. Bu məsələ ilə hüquq-mühafizə orqanları məşğul olur. Cari il ərzində cəmi 271 ədəd milli, 275 ədəd xarici əskinaslar aşkarlanıb. Bu isə xariclə müqayisədə yüksək göstərici deyil. Ümumiyyətlə bizdə saxtalaşdırma yüksək deyil”.