Azərbaycan İkinci Qarabağ Müharibəsinin informasiya cəbhəsində tam qələbə qazandı.
Modern.az xəbər verir ki, bu barədə Rusiyanın “Vətən Arsenalı” jurnalının baş redaktoru Viktor Muraxovski bildirib.
Onun fikrincə, Azərbaycan tərəfi cəbhə xəttində baş verənlər barədə daha dolğun və düşünülmüş informasiya siyasəti aparıb.
“Azərbaycan tam və şübhəsiz qələbə qazanıb. Düşünülmüş informasiya siyasəti, dəqiq düzülmüş videoçarxlar və mətnlər, o cümlədən, ölkə başçısı və xanımının ön xəttə gəlməsi, dünya mediasına pilotsuz uçuş aparatlarından çəkilən görüntülər, artilleriyanın və raket qüvvələrinin işi düzgün təqdim olunmuşdu”.
Ekspertin fikrincə, mülki obyektlərə Ermənistan tərəfinin endirdiyi məqsədyönlü zərbələrin fəsadlarını da Azərbaycan çoxsaylı canlı yayımlar, jurnalist və diplomatların əraziyə gətirilməsi ilə tam dolğun nümayiş etdirə bilib.
Viktor Muraxovski Ermənistan tərəfinin müharibənin gedişində apardığı informasiya siyasətini zəif və xaotik adlandırıb.
