"Bakı Metropoliteni"nin "28 May" stansiyasında həyəcanlı anlar yaşanıb.
Qurumun mətbuat xidmətinin rəhbəri Bəxtiyar Məmmədov Modern.az-a bildirib ki, giriş sahəsində tüstülənmə ehtimalı ilə qısa müddət ərzində yüksək gərginlik çıxarılıb:
"Bu səbəbdən "Həzi Aslanov"-"28 May" istiqamətində qatarların hərəkətində məhdudiyyətlər olub".
O qeyd edib ki, "Xətai - "Cəfər Cabbarlı" mənzili istisna olmaqla, "Bakı Metropoliteni"ndə qatarların hərəkətlərinin tənzimlənməsi istiqamətində iş aparlır.
B. Məmmədov metroda bomba təhlükəsilə bağlı iddiaları təkzib edərək, bunun həqiqətə uyğun olmadığını deyib.