Noyabrın 10-dan etibarən paytaxtda müşahidə edilən hava şəraiti ilə əlaqədar küləyin fəsadlarından daha 11 nəfər xəsarət alıb.
Bu barədə Modern.az-a Təcili Tibbi Yardım Stansiyasından məlumat verilib.
Bildirilib ki, xəsarət alanlardan 5-i kişi, 6-sı qadındır.
Onlardan 1-nə yerində yardım edilib, 1-i yardımdan imtina edib, digərləri tibbi yardım göstərilməsi üçün xəstəxanaya çatdırılıblar.
Qeyd edək ki, 10 noyabrda, küləyin gücləndiyi axşam saatlarında 7 nəfər xəsarət alaraq, xəstəxanaya yerləşdirilib. Bununla da küləyin fəsadlarından xəsarət alanların sayı 18 nəfərə çatıb.