Noyabrın 16-da dövlət sərhədində Ermənistanın təxribatları nəticəsində baş verən döyüş əməliyyatları zamanı Azərbaycan Ordusunun 7 hərbi qulluqçusu şəhid olub.
Bu barədə Azərbaycan Müdafiə Nazirliyinin Mətbuat xidməti məlumat yayıb.
Rəsmi məlumata görə, döyüşlərdə 10 nəfər hərbi qulluqçumuz da yaralanıb.
Noyabrın 16-sı axşam saatlarından etibarən Azərbaycan-Ermənistan dövlət sərhədində vəziyyət sabitləşib.
Modern.az şəhid olmuş hərbçilərimizin fotolarını təqdim edir:
Müddətdən artıq həqiqi hərbi xidmət hərbi qulluqçusu kiçik çavuş Əliyev Natiq Yusif oğlu - Göyçə mahalı Zod kəndi;
Leytenant Niftəliyev Ümüd Oruc oğlu - Naxçıvan Babək rayonu Nehrəm kəndi;
Əsgər Əliyev Elçin Ramil oğlu - Şirvan;
Əsgər Əlizadə Elmin Samir oğlu - Mingəçevir;
Gizir Cabbarov Orxan Hətəm oğlu - Quba;
Əsgər Ağayev Elçin Mərifət oğlu;
Əsgər Xəlilov Murad Qalib oğlu - Şəmkir rayon Çinarlı qəsəbəsi.
