Rusiya “Zirkon” hipersəs sürətə malik raketin sınağını uğurla başa çatdırdığını açıqlayıb.
Modern.az xəbər verir ki, bu barədə ölkənin Müdafiə Nazirliyi məlumat yayıb.
Rusiyanın müdafiə naziri Sergey Şoyqu sınaqların başa çatması ilə bağlı Prezident Vladimir Putinə məruzə edib.
Ağ dənizdə yerləşən “Admiral Qorşkov” hərbi gəmisindən buraxılan “Zirkon” raketi hədəfini dəqiqliklə vurub.
Qeyd edək ki, “Zirkon” raketləri 350 kilometr uzaqlıqda hədəfi dəqiqliklə məhv edə bilir.
Hipersəs raketlər atmosferin yuxarı hissəsində səs sürətindən beş dəfə çox və ya saatda təxminən 6200 km sürətlə hərəkət edirlər. Bu, qitələrarası ballistik raketdən daha yavaşdır, lakin hipersəs raketlərin forması ona hədəfə doğru və ya müdafiədən uzaqda manevr etməyə imkan verir.
Akif İsmayılov
