Gürcüstanın keçmiş prezidenti Mixeil Saakaşvili həbsxanadan Qori hərbi hospitalına köçürüləcək.
Modern.az xəbər verir ki, bu barədə onun vəkili Nika Qvaramiya məlumat yayıb.
Vəkil bildirib ki, Saakaşvili xəstəxanada oktyabrın 1-də başladığı aclıq aksiyasına son qoyacaq.
"Saakaşvili bu gün Qori hərbi hospitalına köçürüləcək, dəqiq vaxt deməyəcəyəm, çox gec olacaq. Xəstəxanaya çatan kimi aclıq aksiyasını dayandıracaq", - deyə vəkil bildirib.
Saakaşvili oktyabrın 1-də Gürcüstanda saxlanılıb, eyni zamanda aclıq aksiyasına başlayıb.
Gürcüstan hakimiyyəti Saakaşvilini azad etməkdən imtina edir. Baş nazir İrakli Qaribaşvili bildirib ki, eks-prezident uzun müddət həbsdə qalacaq.
Akif İsmayılov
