Azərbaycan Şahmat Federasiyasının növbəti hesabat-seçki konfransı keçirilib.
Modern.az xəbər verir ki, Gənclər və İdman Nazirliyində keçirilən tədbirdə nazir Fərid Qayıbov da iştirak edib.
Hesabat-seçki yığıncağında Azərbaycan Şahmat Federasiyasının rəhbərliyinə yeni seçkilər keçirilib.
Səsvermə nəticəsində uzun illər qurumun vitse-prezident kimi çalışan Mahir Məmmədov 4 il müddətinə federasiyanın yeni prezidenti seçilib.
O, bu postda 2007-ci ildən çalışan Azərbaycan Milli Bankının sədri Elman Rüstəmovu əvəzləyib.
Faiq Həsənov federasiyanın 1-ci vitse-prezidenti, Seymur Talıbov isə vitse-prezident kimi işini davam etdirəcək.